KBF Peja ka mësuar grupin e saj në FIBA EuroCup Women, garë në të cilën do të debutojë në sezonin 2025/26.
Të mërkurën është bërë tërheqja e shortit për 12 grupet e kësaj gare, të cilat përbëhen me nga katër ekipe.
Nënkampionia e Kosovës, Peja do të jetë pjesë e Grupit F, ku tashmë janë konfirmuar emrat e tri ekipeve derisa i katërti do të mësohet pas kualifikimeve që zhvillohen në fund të muajit shtator.
Peja në grup tashmë ka një skuadër nga Gjermania dhe një tjetër nga Çekia që janë të forta dhe kanë përvojë evropiane, ndërsa është mobilizuar për debutim evropian me përforcime vendore e të huaja.
Rutronik Stars Keltern që është kampione në fuqi e Gjermanisë e Levhartice Chomutov që është nga elita e Çekisë, do të jenë kundërshtarët e Pejës në fazën grupeve kurse skuadra tjetër do të jetë fituesi i përballjes Tango Bourges nga Franca dhe Kibirtskis Vilnius të Lituanisë.
Peja bëhet skuadra e dytë nga Kosova që debuton në EuroCup Ëomen pas Prishtinës.
