KB Sigal Prishtina ka vazhduar me përforcime për sezonin e ri, në të cilin do ti udhëheqë trajneri i njohur nga Greqia, Michalis Kakiouzis.
Pas Arian Azemit e Dion Haxhosajt, Prishtina është forcuar me një basketbollist tjetër vendor, Valmir Kakrukin.
Në fakt, Kakruki rikthehet te Prishtina pas dy sezoneve, në të cilat luajti te Bashkimi i Prizrenit dhe Çairi i Shkupit.
Kakruki ka treguar formë të mirë sezonin e fundit në Maqedoninë e veriut, ku ka luajtur me një mesatare prej 10 pikëve, 8 kërcimeve dhe 2 asistimeve.
Klubi nga kryeqyteti ka paralajmëruar rikthim të fuqishëm në sezonin 2025/26 dhe ditëve në vazhdim pritet ti prezantojë edhe përforcimet tjera, qofshin vendore apo të huaja.
