Mbrojtësi Ardian Ismajli pritet që karrierën ta vazhdoj në Serie A të Italisë pasi bëhet e ditur se do ti bashkohet skuadrës së Juventusit.
Thuhet se Juventusi është favorit për shërbimet e tij, ndonëse Ismajli po kërkohet edhe nga Napoli e Lazio, skuadra që po e shohin si përforcim në mbrojtje.
Ismajli nga Empoli do të largohet si lojtar i lirë pasi muajin tjetër i skadon kontrata me Empolin, ekip që sezonin e ardhshëm do të bëjë gara në Serie B.
28-vjeçari prej vitit 2020 bën karrierë në elitën e futbollit italian, fillimisht te Spezia dhe pastaj te Empoli, ekip të cilit iu bashkua në verën e vitit 2021.
Këtë sezon, Ismajli ka treguar paraqitje të mira dhe ishte ndër mbrojtësit më të vlerësuar në Serie A, ku regjistroi 29 paraqitje dhe në disa ndeshje barti shiritin e kapitenit tek Empoli.
Ai së fundmi është ftuar nga selektori i Kombëtares së Shqipërisë, Sylvinho për ndeshjet me Serbinë dhe Letoninë që i takojnë kualifikimeve për Botërorin 2026.
