Trajneri i Romës, Jose Mourinho ka treguar se si u shkarkua nga Tottenham një vit më parë. Në një intervistë të dhënë për “Sky Sports”, portugezi u rikthye në kohën kur ishte në krye të “Spurs”, nëntori i 2019-ën deri në prill të 2021-shit.
Një shkarkim i pajustifikuar sipas Mourinhos, i cili theksoi se: “Jam në pjekurinë e karrierës dhe jetës sime, duke mos pasur më ndjenja të këqija. Thjesht përpiqem të pranoj gjërat ashtu siç janë,por po, më dhemb. Këtë herë nuk mund të them se jam i privilegjuari sepse më ka ndodhur mua. Megjithatë për një djalë me karrierën dhe historinë time, mendoj se ishte një gjë e çuditshme që ndodhi”.
Pa llogaritur Romën, të cilën portugezi e drejton aktualisht dhe që më 25 maj do të luajë në finalen e Conference League kundër Feyenood në “Air Albania”, Tottenham është i vetmi klub në karrierën e tij, ku Mourinho nuk ka arritur të fitojë një trofe.
