Bayern Myncheni ka zyrtarizuar nënshkrimin e Jonathan Tah.
Lojtari gjerman, 29 vjeç, u transferua në Mynih si transferim i lirë nga Bayer Leverkusen dhe i është dhënë një kontratë deri më 30 qershor 2029.
Qendërmbrojtësi do të veshë fanellën me numër 4 për kampionët gjermanë.
“Jam shumë i lumtur që jam te FC Bayern. Dua të marr përgjegjësi këtu dhe të punoj shumë çdo ditë në mënyrë që të kemi sukses si ekip dhe të fitojmë shumë trofe së bashku.”, tha Jonathan Tah në konferencë për media.
I lindur në Hamburg, Tah e nisi karrierën në akademinë e Hamburger SV në vitin 2009. Ai debutoi për ekipin e parë në vitin 2013 në moshën 17-vjeçare, duke u bërë lojtari më i ri që luante për klubin në atë kohë.
Për Gjermaninë, Tah debutoi në mars të vitit 2016 dhe që atëherë ka marrë pjesë në Kampionatin Evropian në vitet 2016 dhe 2024, duke luajtur gjithsej 35 ndeshje.
Më parë ai ishte kapiten i të dyja ekipeve kombëtare U19 dhe U21.
