Jasir Asani ka zhvilluar paraqitje tepër të mira me Gwangju në javët e fundit në Korenë e Jugut. Sulmuesi i Kombëtares shqiptare ka arritur të realizojë 4 gola dhe dy asistime në 5 ndeshjet e fundit.
Forma e mirë e ish-sulmuesit të Partizanit nuk ka kaluar pa u vënë re nga klubet që janë të interesuara për të. Siç ka bërë me dije “Transfermarkt”, sulmuesi i kombëtares shqiptare është pranë kalimit në kampionatin iranian.
Esteghlal është i interesuar për të transferuar Jasir Asanin. Por deri më tani nuk ka asnjë negociatë konkrete mes klubit iranian dhe Gwangju. Në rast të një transferimi në Esteghlal, do të ishte eksperienca e parë e 30-vjeçarit në Iran.
