Muharrem Jashari e ka shënuar golin e parë në edicionin e ri në elitën e futbollit ukrainas.
Jashari ishte vendimtar në fitoren e skuadrës së LNZ Cherkasyt.
LNZ Cherkasy të shtunën pasdite fitoi 1:0 në shtëpi ndaj Epitsentrit. Kjo ndeshje i takoi xhiros së dytë.
Jashari e realizoi golin e fitores për Cherkasyn në minutën e 22-të. Ai fillimisht dështoi të realizonte nga pika e bardhë, por shënoi nga topi kthyes.
Ai luajti deri në minutën e 81-të. Në bankën e rezervistëve te Cherkasy ishte mbrojtësi Ajdi Dajko.
Reprezentuesi i Kosovës, Jashari, edicionin e kaluar në 30 ndeshjet e zhvilluara kontribuoi me pesë gola dhe tetë asistime.
