Sulmuesi i Llapit, Ahmed Januzi e ka fituar epitetin e futbollistit më mirë i xhiros së fundit në Superligën e Kosovës në futboll.
FFK-ja, ka njoftuar të hënën se Januzi është shpallur “Ylli i Javës” për xhiron e 36-të, pasi për këtë ka vendosur Komisioni i Veteranëve të futbollit.
Januzi shkëlqeu në fitoren e Llapit në Podujevë ndaj Dukagjinit, duke shënuar dy gola në triumfin 3:1.
Me këtë fitore, Llapi arriti ta mbyll sezonin në pozitën e tetë dhe të siguroj ndeshjen e barazhit për mbetje në elitën e futbollit kosovar.
Pasi mori çmimin, Januzi u shpreh i lumtur por pranoi se sezoni ishte zhgënjyes për Llapin që kishte ambicie të mëdha.
Megjithatë, Januzi shtoi se tani fokusi i Llapit është te ndeshja e barazhit kundër Vushtrrisë, duel që luhet këtë vikend në Prishtinë.
