Rezidenca e stafit të Organizatës Botërore të Shëndetësisë (OBSh) në qytetin jugor Deir el-Balah u sulmua tre herë të hënën, ka deklaruar Sekretari i Përgjithshëm Tedros Adhanom Ghebreyesus.
“Forcat ushtarake izraelite hynë në godinë, duke detyruar gratë dhe fëmijët të evakuohen në këmbë drejt al-Mawasi-t mes luftimeve aktive.
Anëtarët meshkuj të stafit dhe anëtarët e familjes së tyre u lidhën me pranga, u zhveshën, u morën në pyetje në vend dhe u kontrolluan nën kërcënimin e armës,” tha Ghebreyesus në platformën X.
Dy anëtarë të stafit të OBSh-së dhe dy familjarë të tyre u ndaluan. Tre prej tyre u liruan më vonë, ndërsa një anëtar i stafit vazhdon të mbahet në paraburgim, shtoi ai.
Deklaratat e tij vijnë pasi ushtria izraelite lëshoi këtë javë një urdhër për evakuim të detyruar në zonat e Deir el-Balah – qendra kryesore e përpjekjeve humanitare në Rrip – dhe nisi një operacion tokësor atje, i pari që nga fillimi i luftës.
Urdhri preku disa ambiente të OBSh-së, “duke e çuar edhe më tej sistemin shëndetësor drejt kolapsit,” theksoi Ghebreyesus.
Magazina kryesore e OBSh-së, e vendosur në Deir el-Balah dhe që ndodhet brenda zonës së evakuimit, u dëmtua gjithashtu dje kur një sulm shkaktoi shpërthime dhe zjarr brenda saj, shtoi ai.
.@WHO’s staff residence in Deir al Balah, #Gaza, was attacked three times today as well as its main warehouse.
Israeli military entered the premises, forcing women and children to evacuate on foot toward Al-Mawasi amid active conflict. Male staff and family members were… pic.twitter.com/PGjaYrhkfH
— Tedros Adhanom Ghebreyesus (@DrTedros) July 21, 2025
