Dy raste të kalimit të paautorizuar të kufirit janë raportuar gjatë 24 orëve të fundit nga autoritetet policore.
Rasti i parë ka ndodhur në pikën Jarinjë–Leposaviq, ku gjatë patrullimit policor është ndaluar një veturë që drejtohej nga i dyshuari. Gjatë kontrollit në automjet janë gjetur tetë bidonë me mjaltë, të cilët janë dërguar në terminalin doganor për procedura të mëtejshme.
Sipas Policisë, në konsultim me prokurorin kompetent, i dyshuari është liruar për t’u proceduar në rrugë të rregullt.
Ndërkohë, rasti i dytë është raportuar po ashtu në komunën e Leposaviqit, ku gjatë patrullimit është ndaluar një automjet/kamion që drejtohej nga një i dyshuar kosovar, ndërsa në automjet ndodhej edhe një pasagjer, po ashtu i dyshuar kosovar, nën dyshimin për kryerjen e veprës së njëjtë.
“Në kamionin e të dyshuarit janë gjetur mure mbrojtëse dhe gurë për varreza. Në konsultim me prokurorin të njëjtit pas intervistimit janë liruar në procedurë të rregullt.”
Autoritetet bëjnë të ditur se rastet janë trajtuar në koordinim me Prokurorinë, ndërsa procedurat ligjore janë zhvilluar në përputhje me ligjin.
