Një grua është arrestuar të enjten në Fushë-Kosovë, pasi dyshohet se ka goditur me veturë një këmbësor, duke i shkaktuar lëndime trupore.
Sipas Policisë së Kosovës, rasti ka ndodhur si pasojë e pakujdesisë së vozitëses. Pas incidentit, e dyshuara është arrestuar dhe, me vendim të prokurorit, është dërguar në mbajtje.
“Vozitësja femër kosovare me veturë, nga pakujdesia dyshohet se ka goditur këmbësorin mashkull kosovar, i cili si pasojë ka pësuar lëndime trupore. Me vendim të prokurorit, e dyshuara është arrestuar dhe dërguar në mbajtje”, thuhet në raportin e PK-së.
Ndërkohë, viktima ka marrë trajtim mjekësor për lëndimet e pësuara, ndërsa hetimet lidhur me rastin janë duke vazhduar.
