Një rast i lëndimit të rëndë trupor është raportuar paraditen e së mërkurës në qytetin e Prizrenit.
Sipas njoftimit të autoriteteve, ngjarja ka ndodhur më 5 shkurt 2026, rreth orës 11:20, në rrugën “Hoqë e Qytetit”, ku një mashkull kosovar dyshohet se i ka shkaktuar lëndime të rënda trupore një mashkulli tjetër kosovar.
Viktima është dërguar me urgjencë në Spitalin e Prizrenit, ku ka pranuar trajtim mjekësor për shkak të lëndimeve të pësuara.
Gjatë veprimeve hetimore, Policia e Kosovës ka kryer kontroll në shtëpinë e të dyshuarit, me ç’rast është gjetur dhe sekuestruar një pistoletë.
Me vendim të prokurorit kompetent, i dyshuari është arrestuar dhe dërguar në mbajtje, ndërsa rasti është duke u hetuar nga organet përkatëse.
Njoftimi i plotë:
LËNDIM I RËNDË TRUPOR
Rr. Hoqë e Qytetit, Prizren / 05.02.2026 – 11:20. Është arrestuar i dyshuari mashkull kosovar pasi që dyshohet se i kishte shkaktuar lëndime të rënda trupore viktimës mashkull kosovar. Viktima është dërguar në Spitalin e Prizrenit për tretman mjekësor. Gjatë kontrollit të shtëpisë së të dyshuarit, është gjetur dhe sekuestruar një pistoletë. Me vendim të prokurorit, i dyshuari është dërguar në mbajtje.
