Kapiteni i Kombëtares së Shqipërisë, Ardian Ismajli është pranë rinovimit të kontratës me skuadrën e Empolit, kanë njoftuar mediumet italiane të premten.
Bëhet e ditur se drejtuesit e Empolit tashmë kanë nisur negociatat me Ismajlin për t’ia vazhduar kontratën që i skadon në verën e vitit të ardhshëm.
28-vjeçari këtë sezon është lojtari kyç i Empolit dhe ndër mbrojtësit më të vlerësuar në kampionatin italian.
Paraqitjet e tij të mira me fanellën e Empolit, kanë bërë që shumë skuadra të shprehin interesim për transferimin e Ismajlit në afatin kalimtar të janarit.
Skuadrat që kanë shprehur interesim për shërbimet e Ismajlit, janë Juventusi, Napoli dhe Interi.
Ismajli është pjesë e Empolit prej vitit 2021 dhe këtë sezon ka regjistruar 13 paraqitje në Serie A të Italisë.
