Shqipe Mjekiqi, ish-nënkryetarja e Lidhjes Demokratike të Kosovës i është bashkuar ekipit të kryeministrit në detyrë Albin Kurti.
Këtë e ka bërë të ditur Kurti në një postim në Facebook.
Ai ka thënë se Mjekiqi i është bashkuar për të kontribuar në politikë të jashtme dhe marrëdhënie ndërkombëtare
“Në ekipin tim si Kryeministër, nga sot u bashkua Shqipe Mjekiqi, për të kontribuar me ekspertizën e saj në politikë të jashtme dhe marrëdhënie ndërkombëtare. Ishte kënaqësi të bashkëbisedojmë mbi nevojat e Kosovës në rrugën e saj drejt anëtarësimit në BE dhe NATO, të arriturat tona socio-ekonomike dhe vlerat demokratike, zhvillimet politike në vendin tonë e në rajon dhe situatën e sigurisë”, ka shkruar Kurti në Facebook.
Mjekiqi ishte larguar nga LDK në vitin 2023, 2 vjet pasi i ishte bashkuar kësaj partie, duke u ankuar se nuk ka pas hapësirë për të kontribuar./teve1.info
