Sulmuesi Alexander Isak i ka bërë me dije Newcastle Unitedit kërkesat e tij për ta rinovuar kontratën që i skadon në vitin 2028.
Newcastle po dëshiron ta mbajë suedezin dhe i ka ofruar kontratë të re, duke pasur parasysh interesimin e Liverpoolit dhe ekipeve nga Arabia Saudite për transferimin e tij.
Megjithatë, Isak ka kërkuar pagë javore prej 300 mijë funteve për ta rinovuar kontratën me ekipin anglez dhe është në pritje të përgjigjes nga drejtuesit e Newcastles.
Në rast se do të realizohej kërkesa e tij, atëherë Isak do të ishte futbollisti më i paguar në Premier League, së bashku me Bruno Fernandesin e Manchester Unitedit dhe Jack Grealishin e Manchester Cityt.
Ai është pjesë e Newcastlet prej vitit 2022 kur u transferua nga Real Sociedadi për 63 milionë funte.
