Skuadra e Interit ka njoftuar të premten se e ka shkëputur kontratën para kohe me Loreta Kullashin.
Kullashi kishte kontratë edhe një vit tjetër me Interin, por tani ajo do të kërkojë aventurë tjetër.
26-vjeçarja pati pak hapësira tek Interi, ndërsa u huazua edhe te Napoli.
Në sezonin e kaluar e pati vetëm një asistim.
Kullashi në edicionin 2023-24 ishte huazuar nga Rosengardi suedez te Sassuolo në Itali. Me Sassuolon i pati shtatë gola e katër asistime në 25 paraqitje.
