Klubi nga Major League Soccer, Inter Miami ka konfirmuar zyrtarisht transferimin e Rodrigo de Paul nga Atletico Madrid.
Argjentinasi është bashkuar me një huazim fillestar njëvjeçar për sezonin 2025/26, me opsionin për ta nënshkruar atë përgjithmonë në vitin 2026.
“Inter Miami CF njoftoi sot se ka nënshkruar me mesfushorin argjentinas Rodrigo De Paul nga gjigantët spanjollë Club Atletico de Madrid”.
“De Paul fillimisht do t’i bashkohet klubit në formë huazimi deri në sezonin 2025 të Major League Soccer (MLS); marrëveshja përfshin një opsion për ta bërë transferimin të përhershëm deri në sezonin 2029 të MLS”, thuhet në njoftim.
Duke folur për vendimin e tij për t’u bashkuar me Inter Miamin, De Paul deklaroi: “Ajo që më sjell në Inter Miami është dëshira për të garuar, për të fituar tituj, për të shkruar faqet në historinë e klubit”.
“Është një klub që po formohet për t’u bërë i shkëlqyer, që ka një histori të gjatë, kështu që shumë njerëz e ndjekin këtë ekip të jashtëzakonshëm”, tha De Paul.
De Paul do t’u prezantohet tifozëve para ndeshjes së radhës së Inter Miami kundër FC Cincinnati, dhe ai gjithashtu do të marrë fanellën me numër 7.
