Futbolli mund të shohë ndryshime të mëdha në rregulla përpara Kupës së Botës 2026, me Bordi i Federatës Ndërkombëtare të Futbollit (IFAB) që thuhet se po shqyrton një zgjerim të ndjeshëm të rolit të VAR-it.
Sipas mediumit The Times, përditësimet e propozuara mund t’i lejojnë VAR-it të shqyrtojë më shumë incidente të bazuara në fakte, të tilla si goditjet nga këndi të dhëna gabimisht dhe kartonët e dytë të verdhë, të cilat aktualisht janë jashtë fushëveprimit të tij.
Përveç tyre pritet që rikuperimet ose goditja e dytë pas penalltisë të hiqen, kështu që nëse e humb një penallti (që nuk është gjatë gjuajtjeve nga pika e bardhë pas ndeshjes), nuk do të kesh një mundësi të dytë goditje, pavarësisht ku përfundon topi.
Ndryshimet synojnë të përmirësojnë qëndrueshmërinë e vendimmarrjes, por rrezikojnë të zgjasin vonesat e ndeshjeve.
Diskutimet kanë filluar tashmë dhe, nëse miratohen në takimin e ardhshëm vjetor të IFAB-it, rregullat e reja do të hyjnë në fuqi nga 1 qershori 2026.
Ky veprim ka shkaktuar reagime të hershme nga tifozët e shqetësuar për ndërprerje të mëtejshme në rrjedhën e lojës.
