Pas Kastriot Selmanit, skuadrës së Dritës i është larguar edhe një futbollist tjetër.
Bëhet fjalë për mesfushorin Ensar Huruglica, i cili tashmë është përshëndetur me bashkëlojtarët, stafin dhe tifozët e klubit.
Drita, që ka fituar titullin e kampionit për këtë sezon në Superligë, ka njoftuar se Huruglicës i ka skaduar kontrata dhe tashmë është lojtar i lirë.
Po ashtu, Drita ka falënderuar Huruglicën për kontributin e dhënë, si dhe i ka dëshiruar suksese në vazhdim të karrierës.
22-vjeçari largohet nga Drita pas një viti e gjysmë, ndërsa në sezonin e sapopërfunduar ka shënuar 1 gol në 11 paraqitje në të gjitha garat.
Huruglica iu bashkua Dritës në janar të vitit të shkuar kurse më herët karrierë ka bërë në Zvicër, te skuadra e Kriensit.
