Deputeti i Partisë Demokratike të Kosovës, Enver Hoxhaj, ka deklaruar se vendimi i kryeministrit Albin Kurti për mospjesëmarrje në takimin përgatitor të Tiranës për Procesin e Berlinit, nënkupton “dezertim të politikës së jashtme të Kosovës”.
Sipas tij, kjo ndodhë për shkak të inatit të papeshuar dhe një sërë pretekstesh të ndërthurura keq që tragojnë që sipas Hoxhajt, Kosova ka mbetur pa zë në Ballkan, në Evropë dhe botë.
“Mospjesëmarrja e Kryeministrit në takim përgatitor të Tiranës për Procesin e Berlinit është dezertim i politikës së jashtme të Kosovës! Kjo ndodhë për shkak të inatit të papeshuar dhe një sërë pretekstesh të ndërthurura keq që tragojnë që Kosova ka mbetur pa zë në Ballkan, në Evropë dhe botë”, ka shkruar ai./teve1.info./
