Kombëtarja U19 e Kosovës në hendboll e ka përfunduar në vendin e pestë paraqitjen në Kampionatin Evropian të Divizionit B.
Të dielën, në Telavi të Gjeorgjisë, hendbollistet e Kosovës fituan 25:21 ndaj Luksemburgut në ndeshjen për vendin e pestë në Evropianin B, që ishin dhjetë kombëtare.
Sipas Federatës së Hendbollit të Kosovës (FHK), ky është suksesi më i madh i Kosovës në hendboll me grupmosha të reja në Kampionate Evropiane.
Kosova U19 e përfundoi Kampionatin Evropian B me katër fitore e dy disfata, ku në fazën e grupeve triumfoi bindshëm ndaj Bullgarisë e Gjeorgjisë.
Për plasman, hendbollistet e Kosovës fillimisht fituan 35:26 ndaj Izraelit, përpara se ta mposhtin Lumsemburgun.
Arjeta Imeraj ishte më efikasja me 7 gola te Kosova ndaj Luksemburgut.
