Nënkryetari i Lidhjes Demokratike të Kosovës dhe kandidati për deputet, Lutfi Haziri ka folur për mundësitë e bashkëpunimit me paritë tjera pas zgjedhjeve.
Ai ka thënë se duhet të krijohen mundësi bashkëpunimi, pasi sipas tij, Kosovën e presin vendime të vështira dhe siç ka thënë ai, një parti e vetme nuk mundet me ju dhënë zgjidhje.
“Kosovën kanë me pritë vendime të vështira dhe të dhimbshme, një parti dhe një kryeministër nuk mundet me ju dhënë zgjidhje”, ka thënë ai në emisionin “Këndi i Debatit” në Tëvë1.
Haziri është shprehur se një qeveri e udhëhequr nga LDK ka mundësi me ndërtua bashkëpunim për më ju dhënë zgjidhje problemeve.
“Synimi politik i LDK-së, është se një qeveri e udhëhequr prej LDK-së ka mundësi me ndërtua kapacitete bashkëpunuese me të gjithë për mi dhënë zgjidhje problemeve dhe me sanua krizën momentale dhe me evitua krizën e paralajmëruar”, tha ai.
Haziri ka thënë se kriza gjatë këtij viti u shkaktua nga partia e parë dhe kryetari i saj.
