Kryetari i Partisë Demokratike të Kosovës, Bedri Hamza, ka uruar Ditën e Falenderimeve popullit amerikan dhe të gjithë amerikanëve që shërbejnë në Kosovë.
Përmes një postimi në Facebook, Hamza ka shprehur mirënjohjen e tij për miqësinë, partneritetin dhe mbështetjen historike e të pazëvendësueshme të Shteteve të Bashkuara të Amerikës ndaj Kosovës.
“Gëzuar Ditën e Falënderimeve popullit amerikan dhe të gjithë amerikanëve që shërbejnë në Kosovë! Kjo është një ditë që na bashkon të gjithëve me mirënjohje, pavarësisht largësisë. Jemi mirënjohës për miqësinë, partneritetin dhe mbështetjen historike e të pazëvendësueshme të Shteteve të Bashkuara të Amerikës për vendin tonë.Shumë mirësi dhe bekime për të gjitha familjet amerikane”, ka shkruar ai në Facebook.
