Kandidati për kryeministër nga radhët e Partisë Demokratike të Kosovës (PDK), Bedri Hamza, ka prezantuar disa nga zotimet e tij kryesore në rast të marrjes së drejtimit të qeverisë.
Përmes një videomesazhi të publikuar në Facebook, Hamza ka premtuar mbështetje për bizneset përmes granteve, zbatimin e një praktike të re për TVSH-në në import, si dhe energji më të lirë për qytetarët dhe ekonominë e vendit.
Ai po ashtu ka premtuar ndërtim të rrugëve dhe hekurudhave moderne.
Sipas Hamzës, këto masa synojnë krijimin e një Kosove funksionale për të gjithë qytetarët, pa përjashtim.
“Grante për bizneset. Praktikë e re për TVSH-në në import. Energji më e lirë. Rrugë dhe hekurudha moderne. Një Kosovë që funksionon. Për të gjithë. Pa përjashtim. Bashkë. Përpara”, ka thënë ai./teve1.info/
