Granit Xhaka ka filluar të mbledh trofetë dhe frytet e punës te Sunderlandi, për më pak se një vjet në si pjesë e skuadrës angleze.
Shumëkush u çudit me vendimin e tij për t’u kthyer në Premier League dhe te një skuadër që po rikthehej në skenën e madhe, por dilemat u hoqën shpejt, kur mesfushori shqiptar i Zvicrës, u bë lojtari vendimtar i skuadrës, duke dominuar edhe në elitën angleze në pozitën e tij.
33-vjeçari, ka qenë vendimtar me statistika dhe për këtë arsye, të enjten mbrëma në një ceremoni të klubit për të vlerësuar më të mirët, ai u zgjodh futbollisti i vitit nga Sunderlandi.
33 ndeshje në total, një gol e gjashtë asistime, e mbi të gjitha roli i tij si lider në fushë, që iu shpërblye edhe me shiritin e kapitenit, e kanë bërë Xhakën, lojtarin më të vlefshëm të skuadrës dhe ndër më të mirin në pozitën e tij në Angli.
Vet Xhaka për këtë arritje ka shkruar në rrjete sociale, duke thënë se të gjithë dyshuan në vendimin e tij, por se ai i ka besuar vizionit dhe projektit.
