Bradley Barcola mund të rishqyrtojë të ardhmen e tij te Paris Saint-Germain, për shkak të konkurrencës së madhe në repartin ofensivë të kampionëve të Francës.
Anësori francez është vënë në qendër të vëmendjes nga Bayern Munich, që po kërkon përforcime në fazën sulmuese.
Merkatoja e verës pritet të jetë mjaft aktive për klubet elitare të Evropës, dhe një prej tyre është pikërisht Bayern. Gjigantët bavarezë kanë objektiv të qartë: të rikthehen fuqishëm në skenën evropiane, sidomos në Ligën e Kampionëve.
Sipas gazetarit Florian Plettenberg, në krye të listës së dëshirave të Bayernit për krahun e majtë është pikërisht Barcola. Futbollisti 22-vjeçar është i vetëdijshëm për konkurrencën në PSG dhe mund të jetë i hapur për një aventurë të re.
Bayern Munich është i impresionuar nga cilësitë e tij dhe e sheh si pjesë kyçe të projektit për sezonin e ardhshëm. Megjithëse negociatat nuk do jenë të lehta, klubi gjerman është i gatshëm të bëjë lëvizje konkrete për ta sjellë Barcolën në ‘Allianz Arena’.
Nëse marrëveshja me Barcolën dështon, alternativa kryesore për Bayernin është ylli i Athletic Bilbaos, Nico Williams. Spanjolli ka pasur një sezon shumë të mirë dhe ka tërhequr interesin edhe nga klubet angleze.
Gjithashtu, drejtori sportiv Max Eberl ka në radar emra si Rafael Leao (Milan), Cody Gakpo (Liverpool) dhe Kaoru Mitoma (Brighton), megjithatë, prioritet mbetet Barcola dhe një ofertë për të mund të vijë së shpejti.
