Sot diplomuan gjenerata e 21-të në fakultetin e UBT-së. Aty studentët treguan se rruga s’ka qenë fare e lehtë mirëpo ia kanë dalë me ndihmën e profesorëve, derisa ish studentët folën për mundësitë që jep kjo diplomë.
Me buzëqeshje në fytyrë e telefonë në duar, po regjistrojnë një ngjarje të rëndësishme.
Këta familjarë përballë kanë studentët e tyre të cilët të shtunën diplomuan si gjenerata e 21-të në UBT.
E për këtë ceremoni nuk munguan as buqetat me lule.
Për studenten Dea Kacoli fillimi s’ka qenë fare i lehtë, mirëpo e ka bërë ëndrrën realitet.
Që sukseset nuk mungojnë këtu, po e thonë edhe këta dy ish-studentë që tashmë janë të punësuar brenda e jashtë Kosovës.
E për rektorin e UBT-së, Edmond Hajrizin ky sukses është i të gjithëve.
Ai pati edhe këshilla për këta mbi 1 mijë të diplomuar.
Pas fjalimeve, në këtë ceremoni u bë edhe betimi i studentëve.
Në fund, ata një nga një morën diplomat e tyre si dëshmi që e përfunduan këtë rrugëtim.
