Ajo në një konferencë për medie së bashku me kryetarin e Bordit të Asociacionit të Gazetarëve të Kosovës (AGK), Xhemajl Rexha dhe Flutura Kusari nga ECPMF, shprehu mirënjohjen ndaj Qeverisë së Kosovës.
“Sapo zbrita nga avioni ndjeva sinqeritetin dhe mikpritjen e njerëzve që më takuan. Me ka bërë përshtypje se si dhimbja e vendit tim ndihet në zemrat e Kosovës. Jam mirënjohës Qeverisë së Kosovës për mbështetjen për popullin e Ukrainës në një moment të vështirë. Falënderoj kolegët e mi dhe qendrës evropiane për lirinë e mediave. Kam nderin ta përfaqësoj unionin e gazetarëve të Ukrainës mbi 16 mijë anëtarë. Secilin prej nesh e kuptojmë që arma jonë është fjala dhe fatkeqësisht puna jonë në Ukraine është bërë e vështirë. Rusët vrasin të gjithë pavarësisht nga mosha gjinia apo profesioni”, tha ajo.
Ajo tha që nga fillimi i luftës në Ukrainë janë vrarë 21 gazetarë.
“Që nga fillimi i luftës më shumë se 21 gazetarë kanë vdekur nga duart e rusëve. Jo vetëm ukrainas. Më shumë se 20 kolegë të mi janë zhdukur në Mariupol. Gazetarët kërcënohen, shantazhohen e dhunohen të afërmit e tyre. Nuk duhet të jetë kështu është shumë e mire që ju të gjithë e kuptoni këtë. Për mua kjo është një mundësi për të qëndruar në profesion për të takuar koleg nga Kosova. Ne duam të jetojmë në një vend të lirë dhe paqësorë”, tha tutje ajo.
Kryetari i Bordit të Asociacionit të Gazetarëve të Kosovës (AGK), Xhemajl Rexha, tha këto hapësira do të shërbejnë për të ofruar kushte sa më të mira për gazetaren ukrainase.
“Gazetarja e parë është këtu me ne dhe ka ikur nga Ukraina dhe ka ardhur në Kosovë. Ky është një program që është iniciuar nga Qendra Evropiane për Liri të Medias. Projekti financohet nga Qeveria e Republikës së Kosovës për 20 gazetarë nga Ukraina. Kjo hapësirë e AGK-së do të shërbejë për gazetarët e parë për vend pune”, tha Rexha.
Flutura Kusari nga Qendra Europiane për Liri të Shtypit dhe të Medias (ECPMF), foli për programin që i strehon gazetarët ukrainas.
Ajo tha se me ndarjen e buxhetit prej 150 mijë euro nga Qeveria e Kosovës, do t’iu sigurohet hapësirë dhe kushte më të mira për punë. Me këtë rast, ajo falënderoi AGK-në e cila ka liruar një hapësirë të saj për gazetaren nga Ukraina.
“Kemi aktualisht disa kërkesa të tjera nga gazetarët nga Ukraina që dëshirojmë të vijnë në Kosovë dhe jemi në shqyrtim e tutje. Me buxhetin e ndarë që është 150 mijë euro. Falë AGK-së kemi siguruar zyre dhe redaksi për gazetarët qoftë në RTK apo medie tjera. Ne e dimë që programi do të zgjas për 6 muaj por kjo varet nga lufta në Ukrainë se sa do të zgjas”, tha Kusari./teve1.info/
