Deputeti i Lidhjes Demokratike të Kosovës, Arben Gashi, vlerësoi që kryeministri Albin Kurti, në kohën më të mirë për të, nuk ka këshilltar, derisa në kohën më të keqe është duke e mashtruar Kuvendin.
Gashi këto deklarata i dha pasi kryeministri Kurti raportoi në Kuvend për takimin e fundit që pati në Bruksel në kuadër të dialogut, duke shtuar që këto lëshime të Kurtit po i kushtojnë Kosovës, përcjell teve1.info.
“Nuk e di se sa do t’i përballojë Kosova këto lëshime të Kurtit. Kurti ia humbi Kosovës një dekadë, ia humbi proceset integruese, ia humbi procesin e liberalizimit të vizave, ia humbi vlerësimin për konstruktivitetin e treguar, ia humbi besimin e krijuar te partnerët ndërkombëtar, humbi jetën e disa qytetarëve, derdhi gjak dhe lëndoi bashkëqytetar dhe në fund mbërriti te Asociacioni. Mirëpo, Asociacioni nuk është lajm. Kurtit tani po i them që në rastin më të mirë për të, nuk ka këshilltar, e në rastin më të keq është duke e mashtruar Kuvendin”, deklaroi Gashi para deputetëve./teve1.info/.
