Pas Sunderlandit, edhe disa skuadra tjera nga Premier League kanë shprehur interesim për mesfushorin Granit Xhaka.
Mësohet se Sunderlandi po synon ta finalizojë transferimin e Xhakës, por po sfidohet nga rivalët tjerë të kampionatit anglez.
West Ham Unitedi, është njëri prej ekipeve që po kërkon shërbimet e Xhakës, i cili ka kontratë me Bayer Leverkusenin deri në vitin 2028.
Në fakt, këto dy skuadra nuk janë të vetmet në garë për Xhakën, i cili po monitorohet edhe nga Nottingham Foresti, Fulhami e Crystal Palace.
Tek Leverkuseni ende nuk kanë marrë një vendim të prerë në lidhje me të ardhmen e mesfushorit 32-vjeçarit, i cili këtë verë ka qenë ndër emrat më të kërkuar në tregun e futbollit.
Leverkuseni po dëshiron ta mbajë Xhakën, por në anën tjetër është gati për ta shitur nëse merr një ofertë të kënaqshme për kartonin e tij, të cilin po e vlerëson të paktën 15 milionë euro.
Xhaka, gjithashtu është në kontakte edhe me Fenerbahçen kurse ditë më parë ka dështuar kalimi i tij në Arabinë Saudite, te Neom SC.
Krahas këtyre ekipeve, Xhaka ka tërhequr edhe vëmendjen e ekipeve nga Serie A, me Milanin, Interin e Juventusin që ende duket se nuk janë dorëzuar për shërbimet e tij.
