Forca e Sigurisë së Kosovës, në kuadër të Ushtrimit Ndërkombëtar “Defender Europe 23”, ka dislokuar sot një kompani të regjimentit të Këmbësorisë në Poligonin Krivollak të Maqedonisë së Veriut.
Kompania ka për objektivë demostrimin e performancës dhe ndërveprueshmërinë ushtarake përkrah forcave të shteteve partnere, ka bërë të ditur FSK përmes një njoftimi në Facebook.
“Në kuadër të Ushtrimit Ndërkombëtar “Defender Europe 23”, Forca e Sigurisë së Kosovës, ka dislokuar sot një kompani të regjimentit të Kēmbēsorisë në Poligonin Krivollak të Maqedonisë së Veriut, që do bashkëngjitet Batalionit multi-nacional për zhvillimin e trajnimit të përbashkët. Forca e Sigurisë së Kosovës, Forcë e gatshme për të kontribuar në çdo mision të paqes aty ku kërkohet”, thuhet në njoftim.
“Defender Europe 23” do të mbahet nga 21 maji deri më 2 qershor. /teve1.info/
