Përzgjedhësi i Kosovës në futboll, Franco Foda, ka thënë se kishte thirrje raciste në ndeshjen e ndërprerë Rumani – Kosovë, në fund të vitit të kaluar.
Fati i kësaj ndeshjeje u vendos nga Gjykata e Arbitrazhit Sportiv, që la në fuqi vendimin e UEFA-së për t’i dhënë tri pikë Rumanisë.
Sipas Fodës, ishte e pamundur të vazhdohej ndeshja për shkak se nuk u respektuan vlerat thelbësore të UEFA-së, respekti.
Kjo është deklarata e plotë e tij:
“Kapiteni i Kosovës i kërkoi gjyqtarit tri herë, 10 minuta para përfundimit të ndeshjes, të ndërpriste ndeshjen për shkak të thirrjeve ‘Serbia, Serbia’. Ai i kërkoi gjyqtarit të fillonte procedurën (për të pezulluar ndeshjen v.j.), jo për thirrjet ‘Serbia, Serbia’, po edhe për thirrjet ‘Kosova është Serbi’ nga grupe më të vogla. Gjyqtari nuk ndërmori asnjë veprim. Pas një diskutimi të gjatë me lojtarët, i binda ata që të vazhdonin lojën. Kur ata pranuan dhe ne ishim gati të ktheheshim, ata morën incizime të thirrjeve ‘Kosova është Serbi’, të shqiptuara ndërsa ishin në dhomën e zhveshjes. Në atë moment, a u bë e qartë se ishte e pamundur të vazhdonim lojën, sepse vlerat thelbësore të UEFA-s, siç është respekti, nuk u respektuan. Për më tepër, ishte qartësisht sjellje raciste për herë të dytë në këtë stadium brenda një viti. Për ne, vënia në dyshim e ekzistencës së vendit dhe kombësisë sonë është më shumë sesa sjellje raciste. Është diskriminim. Flamuri ynë u dogj dhe pas konferencës për media, një gazetar sulmoi një nga lojtarët tanë para të gjitha mediave”.
