Jose Mourinho dhe skuadra e tij te Fenerbahce janë pranë arritjes së një marrëveshjeje për transferimin e Marco Asensio nga PSG.
Burime nga njerëz me dijeni direkte mbi çështjen tregojnë se përfaqësues të klubit turk zhvilluan bisedime me PSG-në të enjten në mbrëmje dhe tani po afrohen drejt përfundimit pozitiv të negociatave.
Asensio u kthye te PSG-ja pas një huazimi gjashtëmujor te Aston Villa në pjesën e dytë të sezonit 2024/2025.
Sipas raportimit të Football Italia më herët gjatë javës, Asensio i ishte ofruar Interit disa herë që nga janari, por ‘Nerazzurrët’ nuk kanë zhvilluar kurrë bisedime formale, ndoshta për shkak të nevojës për të liruar hapësirë në repartin e sulmit.
Gjithsesi, transferimi i Asensios te Inter nuk do të ishte i lehtë apo i përballueshëm, pasi paga e 29-vjeçarit në Paris konsiderohet e lartë.
Tani, Fenerbahce po punon për të finalizuar marrëveshjen me sulmuesin spanjoll dhe Paris Saint-Germain, për t’i dhënë Mourinhos një përforcim ofensiv për sezonin 2025/2026.
