Përmes një postimi në Facebook, Bytyqi ka thënë se ky është një vendim skandaloz që e shkatërron sistemin e drejtësisë, raporton teve1.info
“Kështu forcohet sundimi i rendit dhe ligjit i proklamuar nga Qeveria Kurti, duke ua ulur pagat prokurorëve e gjyqtarëve e kësisoj duke ua fyer integritetin e dinjitetin e tyre. Bravo kryeministër! Edhe një tjetër vendim skandaloz, një vendim që e shkatërron plotësisht sistemin e drejtësisë”, ka shkruar ajo.
Sipas saj ky vendim fyen integritetin dhe dinjitetin e gjyqtarëve dhe prokurorëve.
Deputetja, Bytyqi e ka pyetur Kurtin “Kur është boll për ty?”.
Ndryshe, Qeveria e Kosovës ka shfuqizuar vendimin e nxjerrë në vitin 2017 nga kabineti qeveritar i Ramush Haradinajt për ndryshimin e pagave të gjyqtarëve dhe prokurorëve./teve1.info
https://teve1.info/lajmet/3qeveria-ndryshon-pagat-e-gjyqtareve-dhe-prokuroreve/
