Kështu tha për tëvë1, Fahrije Hoti, njëra nga drejtueset e kësaj kooperative.
Hoti, në emisionin “Infonata” në Tëvë1, tha se në kooperativën ku punohet ka komplet tjetër frymë në krahasim me institucionet e ndërmarrjet tjera.
Hoti si Drejtoreshë Ekzekutive, bëri të ditur se gratë që punojnë brenda kooperativës nuk kanë asnjë kriter gjatë punës.
Sipas saj, ato kanë të drejtë, të qajnë, të qeshin e ndërkohë edhe të vallëzojnë, mirëpo përsëri pikë e dobët e tyre është tema e luftës.
“Me thënë të drejtën në koperativë ku punohet është krejt tjetër frymë, jo sikur në institucionet tjera ose në ndërmarrjet tjera, nuk ka diktaturë, në rast se njërës nga punëtoret i qahet dhe ka nevojë të flasë për luftën, ne nuk e ndërprejmë, sepse ndoshta çdo kush i ka problemet e veta në familje, por gjithmonë e kemi pikë të dobët luftën. Nëse edhe 1 orë në pauzë, gratë do të diskutojnë për pjesën e luftës. Por, ka kohë edhe kur qajnë, ka momente edhe kur qeshin, ka vajza të reja që ndoshta ndërkohë lëshojnë edhe muzikë e argëtohen, pra nuk i kanë të ndërprera nga unë si Drejtoreshë Ekzekutive. Ato nuk kanë kritere, që vetëm pse janë në orar të punës të mos lëshojnë muzikë, ose pse vallëzojnë, apo qajnë. E ndaj dhimbjen së bashku me to, dhe tërë kohën rri me to”, deklaroi Hoti.
