Përfaqësuesi i Kosovës Edon Zhegrova ka ndryshuar agjent dhe i bashkohet Hasan Çetinkaya/HCM, që njihet si njëri nga agjentët më të rëndësishëm në botën e futbollit.
Anësori ka 11 gola dhe 9 asistime këtë sezon në Ligue1 me skuadrën e Lillë me paraqitje të rëndësishme. Zhegrova tashmë ka nënshkruar me agjentin e madh dhe gjithçka ka përfunduar në këtë drejtim.
Për Zhegrovën mësohet se ka interesim të madh nga disa prej skuadrave të njohura evropiane si nga Italia ashtu edhe nga Anglia.
Çetinkaya vlerësohet prej agjentëve më të mirë në futboll.
Ka nën menaxhim yje si mesfushori i Barcelonës, Frenkie de Jong, sulmuesi i Sportingut, Viktor Gyokeres, mbrojtësi i Unitedit, Victor Lindelof, sulmuesi i Leipzigut, Emil Forsberg e shumë të tjerë.