Përmes një postimi në Facebook, Balje ka thënë se ajo nuk do del kundër fesë të cilës i përket.
“Unë si deputete nuk mund të dal kundër fesë të cilës i përkas, principeve në të cilat jetoj e as kundër vlerave familjare me të cilat jam rritur. Prandaj, vota ime do të jetë KUNDËR. Kundër, sepse nuk perketë me kulturen, traditen në të cilën kemi jetuar dhe jetojmë”, ka shkruar ajo.
Balje tha se nesër në rend të ditës në seancën plenare do të jetë shqyrtimi dhe votimi i Kodit Civil që përmban edhe lejimin e martesave të gjinisë së njejtë.
“Siç jeni në dijeni, nesër në rend të ditës në seancën plenare kemi në shqyrtim dhe votim Kodin Civil. Pikë e rendit të ditës është që ky Kod Civil përmban edhe lejimin e martesave të gjinisë së njejtë”, tha Balje. /tëvë1.info/
