Kampionia e Kosovës, Drita ka publikuar formacionin zyrtar para ndeshjes me Copenhagenin, të cilën e luan në kuadër të raundit të dytë kualifikues të Ligës së Kampionëve.
Ndeshja ndërmjet Copenhagenit dhe Dritës, luhet sot prej orës 19:00 në “Parken Stadium”.
Trajneri Zekirija Ramadani, tashmë ka vendosur se me cilët futbollistë do ti kundërvihet skuadrës së madhe nga Danimarka.
Në portë, te Drita do të paraqitet portiere Faton Maloku derisa vija e mbrojtjes do të përbëhet nga Besnik Krasniqi, Juan Camilo Mesa, Egzon Bejtullahi e Raddy Ovouka.
Në mesfushë do të luajnë, kapiteni Rron Broja, Albert Dabiqaj e Vesel Limaj kurse qendërsulmuesi Arb Manaj në sulm do të përkrahet nga Almir Ajzeraj e Liridon Balaj.
Drita është ekipi i parë nga Kosova që ka avancuar në raundin e dytë kualifikues të Championsit, pasi në të parin ka eliminuar kampionin e Luksemburgut, Differdangen.
