103 minuta lojë, 7 gola, dy penallti, dramë e spektakël në fund të ndeshjes ishte epilogu i përballjes Chelsea – Manchester United.
“Blutë” e Londrës triumfuan në kohën shtesë, 4:3, duke shënuar dy herë në shtesë për ta përmbys epërsinë e “Djajve të Kuq”, të cilët lëshuan pikë të vlefshme në këtë super ndeshje, e me shumë kthesa.
Chelsea e nisi më mirë ndeshjen në Londër, duke qenë në epërsi të dyfishtë për 19 minuta (Gallagher 4’, Palmer 19’).
Në fund të pjesës së parë Manchesteri u kthye në lojë me golin e Garnachos (34’) dhe Bruno Fernandes (39’), para se ta përmbyste Chelsean në pjesën e dytë, me golin e dytë të Garnachos (67’).
Dy gola të Palmer në minutat 100 dhe 101, i mundësuan Chelseat të mbajë pikët e plota në shtëpi.
Londinezët janë të dhjetit në tabelë me 43 pikë, derisa Man Utd në pozitën e gjashtë me 48 sosh.
