Skuadra e Prishtinës i ka dhënë fund aventurës evropiane, pasi është eliminuar edhe nga kualifikimet e Ligës së Konferencës.
Të enjten mbrëma, Prishtina u mposht nga Larne e Irlandës së Veriut pas penalltive, pasi koha e rregullt e takimit dhe dy vazhdimet nga 15-të minuta, përfunduan 1:1.
Larne triumfoi 5:4 në penallti dhe kështu avancoi në raundin e tretë kualifikues të Ligës së Konferencës.
Gjorgje Shaletiq e Ramiz Bytyqi dështuan nga pika e bardhë dhe kjo bëri që Larne që pati vetëm një dështim dhe shënoi të gjitha penalltitë tjera të mbetet në garat evropiane.
Ndeshja e parë, e luajtur javën e shkuar në Irlandë të Veriut, përfundoi pa gola dhe Prishtina pati rastin ideal për të avancuar tutje në ndeshjen e kthimit të luajtur në stadiumin “Fadil Vokrri”.
Avancoi në minutën e10-të me anë të Gjelbrim Taipit, por Larne barazoi në minutën e 56-të me anë të Daniel Bent.
Po ashtu, Larne e mbylli ndeshjen me një lojtarë më pak pasi në minutën e 117-të u përjashtua me karton të kuq u ndëshkua Paul O’Neil.
Prishtina javën e shkuar u eliminua nga kualifikimet e Ligës së Evropës në raundin e parë nga Sheriffi i Tiraspolit.
