Deputetja e PDK-së, Ariana Musliu-Shoshi ka shpërfaqur disa kritika për gjendjen në shërbimin e jashtëm të Kosovës.
Ajo ka shkruar se shtetet mosnjohëse po e rikonfirmojnë qëndrimin se nuk do ta njohin Kosovën.
Teksa ka shtuar se ambasadat kanë mbetur gjysmë të zbrazura.
“MPJD është kapur dhe po ngulfatet nga 4-5 persona, ish zyrtarë të Ministrisë së Diasporës, të cilët veç me politikë të jashtme nuk kanë asnjë lidhje”, ka deklaruar ajo.
Madje ajo ka vënë në pah se siç duket “Albini e ka përjashtu Donika Gërvallën”.
“Donika Gërvalla është në gjumë e siç duket edhe Albini e ka përjashtu nga kabineti!”, përfundon deputetja.
