Kryeministri irakian, Mohammed Shia al-Sudani ka thwnw të mërkurën se Iraku nuk do të lejojë që të lindin “kërcënime” nga territori i tij kundër Iranit dhe dënoi sulmet ajrore të SHBA-së dhe Izraelit ndaj vendit.
Al-Sudani i bëri këto komente gjatë një telefonate me Ministrin e Jashtëm iranian Abbas Araghchi, sipas një deklarate nga Ministria e Jashtme e Iranit të postuar në platformën e kompanisë amerikane të mediave sociale X.
Të dy diskutuan zhvillimet rajonale mes sulmeve ushtarake të SHBA-së dhe Izraelit kundër Iranit.
Sipas deklaratës, Al-Sudani dënoi agresionin ushtarak kundër Iranit dhe e përshkroi atë si kundërshtim me rregullat, parimet dhe etikën ndërkombëtare.
“Gjatë telefonatës, kryeministri irakian i shprehu ngushëllime qeverisë dhe popullit të Iranit për martirizimin e Udhëheqësit Suprem të Republikës Islamike (Ajatollah Ali Khamenei), i cili ndodhi gjatë sulmit brutal nga Shtetet e Bashkuara dhe regjimi sionist kundër Iranit”, thuhet në deklaratë.
Ai theksoi gjithashtu se qeveria irakiane “nuk do të lejojë në asnjë rrethanë që ndonjë kërcënim për Republikën Islamike të vijë nga kufijtë irakianë”, shtoi ajo.
Araghchi falënderoi qeverinë irakiane, popullin dhe autoritetet fetare për qëndrimin e tyre ndaj sulmeve dhe për shprehjen e solidaritetit me Iranin.
Ai tha se iranianët janë të vendosur të mbrojnë dinjitetin, sovranitetin kombëtar dhe integritetin territorial të vendit.
Ai gjithashtu e përshkroi paqëndrueshmërinë në rajon si rezultat të veprimeve të SHBA-së dhe Izraelit dhe theksoi rëndësinë e vigjilencës midis vendeve rajonale dhe islamike për të parandaluar përpjekjet që synojnë destabilizimin e rajonit dhe krijimin e përçarjeve midis shteteve myslimane.
