Kombëtarja e Kosovës në Hendboll në konkurrencën e vajzave do të zhvillojë sonte një ndeshje shumë të rëndësishme kundër Finlandës në kuadër të kualifikimeve për Kampionatin Evropian.
Takimi mes Kombëtares së Kosovës në hendboll dhe asaj të Finlandës do të zhvillohet në palestrën Vantaa Energia Arena, në Vantaa, me fillim nga ora 17:30.
Kjo sfidë pritet të jetë mjaft e fortë dhe me rëndësi të madhe për ecurinë e Kosovës në këto kualifikime. Vajzat e Kosovës synojnë një paraqitje të mirë dhe rezultat pozitiv për të mbajtur gjallë shpresat për kualifikim në Kampionatin Evropian.
Nga Federata e Hendbollit e Kosovës është bërë thirrje për mbështetje të vazhdueshme ndaj ekipit, ndërsa lojtaret kanë premtuar përkushtim maksimal në këtë përballje.
