Nga 6 deri më 8 mars 2026, në Linz do të zhvillohet gara prestigjioze e xhudos Grand Prix Upper Austria 2026, e cila pritet të mbledhë rreth 482 garues nga 59 shtete të ndryshme dhe gjashtë kontinente.
Në këtë garë të rëndësishme ndërkombëtare, Kosova do të përfaqësohet nga xhudistet Fatjona Kasapi në kategorinë deri në 52 kilogramë dhe Laura Fazliu në kategorinë deri në 63 kilogramë.
Dy xhudistet kosovare do të jenë nën udhëheqjen e trajneres Majlinda Kelmendi, kampione olimpike dhe një nga figurat më të suksesshme të xhudos kosovare.
