Një person është arrestuar në Vushtrri për armëmbajtje pa leje, pasi që vetë kishte deklaruar në një intervistë për media se posedon armatim në vlerë rreth 600 mijë euro.
Lidhur me këtë ka intervenuar Policia e Kosovës, ku autoritetet i kanë gjetur në shtëpi një antiplumb, tre fishekë, një thikë, brisk e këllëf për armë.
“Është arrestuar i dyshuari mashkull kosovar, pasi që i njëjti gjatë një interviste për media kishte deklaruar se në shtëpinë e tij posedon armatim në vlerë rreth 600 mijë euro. Njësit policore kanë bërë bastisjen në shtëpinë e të dyshuarit, gjatë kontrollit janë gjetur dhe sekuestruar një antiplumb, tre fishekë të pistoletës, një thikë-bajonetë, një brisk dhe një këllëf për armë. Pas intervistimit me vendim të prokurorit i dyshuari është liruar në procedurë të rregullt”, thuhet në raportin ditor./teve1.info/
