Kevin De Bruyne do të largohet nga Manchester City këtë verë, pasi kontrata e tij përfundon dhe nuk do të rinovohet.
Mesfushori belg, i cili është 33 vjeç, është tashmë një lojtar i lirë dhe po shqyrton ofertat për të vazhduar karrierën e tij jashtë Anglisë.
Presidenti i Napolit, Aurelio De Laurentiis, ka konfirmuar zyrtarisht interesimin e kampionëve të Serie A për të afruar yllin e përfaqësueses belge.
“E duam Kevin De Bruyne. Duam ta sjellim në Napoli. Tani gjithçka varet nga dëshira e tij për të ardhur te ne.” Tha presidenti i Napolit në një medium italian.
Napoli, që sapo ka siguruar titullin kampion në Itali nën drejtimin e trajnerit të ri Antonio Conte, synon të forcojë skuadrën për sezonin e ardhshëm dhe afrimi i De Bruyne do të ishte një goditje e madhe në merkato.
Fillimisht u përfol për një qëndrim të mundshëm në Premier League, por vetë De Bruyne ka bërë të ditur se do të transferohet jashtë Anglisë.
