Kombëtarja e Kosovës në futboll po e synon fitoren e dytë brenda pak ditëve në miqësoret e këtij muaji.
Pasi të premten triumfoi 5:2 ndaj Armenisë, Kosova po synon një tjetër fitore bindëse në Prishtinë, këtë herë ndaj Komoreve.
Miqësorja ndërmjet Kosovës dhe Komoreve, luhet sot prej orës 19:00 në stadiumin “Fadil Vokrri” në kryeqytet.
Dueli me Komoret, te Kosova shihet si mundësi ideale për ta forcuar besimin para ciklit kualifikues për Botërorin 2026.
Selektori i Kosovës, Franco Foda pret që lojtarët e tij të jenë me stabil si në sulm ashtu edhe në mbrojtje kundër Komoreve.
Kjo miqësore është e fundit për Kosovën para kualifikimeve në muajin shtator, ku kampanjën kualifikuese e hap me ndeshjen kundër Zvicrës në Basel.
“Dardanët” janë në seri prej katër fitoreve rresht dhe ndaj Komoreve e synojnë fitoren e pestë.
