Është duke u luajtur pjesa e dytë në takimin mes CSKA Moska dhe Rubin Kazan, e ku rezultati shënon 5-1 për ekipin nga Moska. Por lajmi i mirë për tifozët shqiptarë përkon me Mirlind Dakun. Bomberi i Kombëtares e ka gjetur sërish rrugën e rrjetës.
Në minutën e 40’, Daku ngushtoi shifrat përkohësisht në 3-1. Goditja e bomberit kuqezi erdhi nga brenda zonës. Ky finalizim rezulton i 4-të për të në 4 javë të zhvilluara në Premier Leagun ruse.
