Grupi i famshëm britanik Coldplay ka kryesuar listën e artistëve me më shumë fitime nga koncertet live në vitin 2025.
Ata kanë arkëtuar rreth 100 milionë paund (afërsisht 118 milionë euro) deri tani nga turneu i tyre botëror “Spheres”, që i ka sjellë mesatarisht 4.8 milionë paund (rreth 5.7 milionë euro) për çdo shfaqje.
Në vendin e dytë renditet Shakira, me të ardhura prej 85 milionë paund (rreth 100.3 milionë euro), ndjekur nga Kendrick Lamar dhe SZA, me 73.91 milionë paund (rreth 87.2 milionë euro). The Eagles renditen të katërtit me 68.82 milionë paund (rreth 81.2 milionë euro), shkruan DailyMail.
Grupi koreano-jugor Seventeen nuk mbetet pas, duke fituar 68.45 milionë paund (rreth 80.8 milionë euro), ndërsa Trans-Siberian Orchestra ka gjeneruar 50.55 milionë paund (rreth 59.7 milionë euro).
Tyler, The Creator ndodhet në vendin e shtatë me 49.5 milionë paund (afërsisht 58.4 milionë euro), dhe Dead & Company me 45.6 milionë paund (rreth 53.8 milionë euro).
Top 10-shen e mbyllin J-Hope me 44.19 milionë paund (rreth 52.2 milionë euro) dhe Beyoncé me 44.04 milionë paund (rreth 52 milionë euro).
Sa i përket artistëve britanikë dhe irlandezë, Sir Paul McCartney zë vendin e dytë pas Coldplay me 23.23 milionë paund (rreth 27.4 milionë euro). Iron Maiden kanë arkëtuar 20.1 milionë paund (rreth 23.7 milionë euro), ndërsa Dua Lipa ka fituar 15.4 milionë paund (rreth 18.2 milionë euro) dhe Charli XCX po ashtu 13.8 milionë paund (rreth 16.3 milionë euro).
Script ndajnë të njëjtën shifër me Charli XCX, ndërsa Simply Red kanë siguruar 10 milionë paund (afërsisht 11.8 milionë euro). Rod Stewart ka gjeneruar 9.2 milionë paund (rreth 10.9 milionë euro) dhe Sam Fender 8.79 milionë paund (afërsisht 10.4 milionë euro). Në fund të listës renditen Sting dhe Billy Joel, me nga 6 milionë paund secili (rreth 7.1 milionë euro).
Të dhënat janë përpiluar nga firma e analizave të muzikës Pollstar, duke analizuar të ardhurat nga koncertet live mes datave 14 nëntor 2024 dhe 14 maj 2025.
Raporti vë në dukje një rritje të dukshme në tregun e performancave live, me të ardhurat mesatare për koncert që janë rritur me 24.9%, ndërsa shitjet e biletave janë rritur me 32.1%, përkundër një rënie të çmimit mesatar të biletave nga 93.54 £ në 88.43 £ (rreth 110 € në 104 €). /Telegrafi/
