Një 24 vjeçare dhe një 32-vjeçar janë plagosur mbrëmjen e sotme me armë zjarri në qendër të Ferizajt.
Të dy të plagosurit janë dërguar në Qendrën Emergjente në Ferizaj për trajtim mjekësor.
Tëvë1 nga burimet mëson se burri i plagosur është në gjendje të rëndë shëndetësore dhe e i njëjti është dërguar në QKUK për trajtim të mëtejshëm mjekësor.
Ndërkohë, zëdhënësi i Policisë së Kosovës për rajonin e Ferizajt, Kanun Veseli ka thënë se autoritetet janë duke hetuar rrethanat e rastit.
“Në vendin e ngjarjes kanë dalë njësitë policore të rendit, hetuesit e stacionit, si dhe hetuesit dhe krim-teknikët nga Sektori Rajonal i Hetimeve, të cilët janë duke kryer ekzaminimin e vendit të ngjarjes dhe po punojnë intensivisht për të sqaruar rrethanat që kanë çuar deri te kjo plagosje. Për të gjitha veprimet policore është njoftuar prokurori i shtetit”, tha ai.
